jibish Mahottari ma ghotala

जिविस महोत्तरीद्वारा राष्ट्रिय सतर्कता केन्द्रको निर्देशन अवज्ञा गर्दै विनाटेन्डर एक करोड ४ लाख रुपैयाँबराबरको विद्युत् सामग्री खरिद गर्ने तयारी
नयाँ पत्रिका
महोत्तरी, १९ माघ 2067
राष्ट्रिय सतर्कता केन्द्रको निर्देशन अवज्ञा गर्दै जिल्ला विकास समिति महोत्तरीले विनाटेन्डर एक करोड ४ लाख रुपैयाँ बराबरको विद्युत् सामग्री खरिद गर्न तयारी गरेको छ । जिविसका कर्मचारी र जिविसमा प्रतिनिधित्व गर्ने राजनीतिक दलका संयन्त्रको संयुक्त मिलेमतोमा सतर्कता केन्द्रको निर्देशनलाई अवज्ञा गरेर विनाटेन्डर विद्युत् सामग्री खरिद गर्न लागेको हो ।
यसअघि पनि विनाटेन्डर सामग्री खरिद गर्ने तयारी गरेपछि राष्ट्रिय सतर्कता केन्द्रले जिविसलाई टेन्डर आह्वान गरेर मात्रै विद्युत् सामग्री खरिद गर्न निर्देशन दिएको थियो । स्थानीय विकास अधिकारी राजेन्द्रदेव पाण्डेको अध्यक्षतामा बसेको दलीय संयन्त्रको बैठकले कांगे्रसका कोषाध्यक्ष जयकुमार चौधरीको संयोजकत्वमा ६ सदस्यीय समितिलाईर् विद्युत् सामग्री खरिद गर्ने जिम्मा दिएको जिविस स्रोतले जनाएको छ ।
संयोजक चौधरी पेसाले ठेकेदार पनि हुन् । उनी लामो समयदेखि ठेकेदारी काममा संलग्न छन् । उनले सो सामान विनाटेन्डर आप\mनै पसलबाट खरिद गराउने तयारी गरेको स्रोतको दाबी छ । निर्माण व्यवसायी संघ महोत्तरीका अध्यक्ष मुनेश्वर चौधरीले कमिसनका लागि नियमविपरीत कोटेसनबाट सामान खरिद गर्न लागेको दाबी गरे ।
चौधरीको संयोजकत्वमा रहेको समितिले विद्युत् विकास विभागबाट विद्युत् रोयल्टीबापत जिविसलाई प्राप्त एक करोड ४ लाख रुपैयाँबाट विद्युत् सामान खरिद गर्न लागेको जिविसका एक कर्मचारीले बताए । जिविस लेखा शाखाका अनुसार सो रकम हाल वैकल्पिक ऊर्जा प्रवर्द्धन इकाइ महोत्तरीलाई पेस्की दिइएको छ ।
सार्वजनिक खरिद नियमावलीमा डेढ लाख रुपैयाँभन्दा बढी १० लाख रुपैयाँसम्मको निर्माण सामग्री खरिद गर्दा कोटेसनबाट गर्नुपर्ने प्रावधान छ । त्यसका लागि पत्रपत्रिकामा कम्तीमा १५ दिने सूचना प्रकाशित गर्नुपर्ने नियम छ । त्यसमाथिको रकमको खरिदका लागि कम्तीमा ३० दिनको म्याद दिएर राष्ट्रिय पत्रिकामा सूचना प्रकाशित गरेर टेन्डर प्रक्रियामा जानुपर्ने प्रावधान छ । यसअघि केही महिनापहिले सतर्कता केन्द्र छानबिन सुरु गरेपछि बखत जिविसमा रहेका दलीय संयन्त्रले विद्युत् सामग्री खरिद गर्ने प्रक्रिया स्थगित गरेका थिए ।
समितिले जलेश्वर नगरपालिका, हतिसर्वा, भंगहा, मेघनाथगोरहन्ना, रतौली, खुट्टापिपराढी, धमौरा, सिमरदही, मटिहानी, एकरहिया, बथनाहा, प्रकौली, हलखोरी, सिस्वा कटैया, सोनामाई, रघुनाथपुर, लक्ष्मीनिया, गोनरपुरा, बेलगाछी, भरतपुर र महोत्तरी गाविसका लागि नियम उल्लंघन गर्दै विद्युत् सामग्री खरिद गर्ने तयारी गरेका हुन् । ती गाविसमा ६ वटा ट्रान्सफरमर, तार, पोललगायतका सामग्री खरिद गरिनुपर्ने छ ।
विगतमा जिविसले पाउने रोयल्टीबापतको रकम जुनसुकै शीर्षकमा खर्च गरिँदै आए पनि चालू आवमा भने विभागले विद्युतीकरणमै खर्च गर्नुपर्ने निर्देशनसहितको रकम पठाएको थियो । सोहीबमोजिम विद्युतीकरण गर्नुपर्ने प्रत्येक गाविसलाई ३० हजारदेखि ३ लाख रुपैयाँ विनियोजन गरिएको छ ।

rekarding studiyo

पहिलो रेकडिङ्ग स्टुडियोको स्थापना
महोत्तरी समाचारदाता
जलेश्वर, माघ २० गते । महोत्तरीमा रेकडिङ्ग स्टुडियोको स्थापना भएपछि यस क्षेत्रका कलाकारहरु खुशी भएका छन् ।
महोत्तरी मात्रै नभई धनुषा, सर्लाही, जनकपुर लगायतका क्षेत्रहरुमा रेकडिङ्ग स्टुडियो नभएको कलाकारहरु बताउँछन् । पहिला पहिला कुनै पनि गीत रेकडिङ्ग गराउन भारतको पटना, नयाँ दिल्ली पुग्नुपर्ने वाध्यता रहेको थियो तर अहिले सो समस्या केही हदसम्म भएपनि टरेको छ ।
महोत्तरीको सदरमुकाम जलेश्वरमा पहिलोपल्ट माँ सरस्वती डिजिटल रेकडिङ्ग स्टुडियोको उदघाटन गरिएको छ । प्रमुख जिल्ला अधिकारी तेजप्रसाद पौडेलले उदघाटन गर्नुभएको सो स्टुडियोको स्थापना भएपछि यसक्षेत्रका कलाकारहरु हौसिएका छन् ।
‘रानी छत से निचे आजा’ लगायत दर्जनौ भोजपुरी गीतका गायक लोकेश कुमार सिंहले यसक्षेत्रमैं रेकडिङ्ग स्टुडियोको स्थापना हुुनु गौरबको कुरा भएको वताउनुहुदै नवउदयिमान कलाकार लगायत अन्यान्यलाई समेत अब सहज हुने वताउनुभयो । यसक्षेत्रमै स्टुडियोको स्थापना भएपछि समयसंगै रकमको समेत बचत हुने कलाकारहरुको ठम्याईरहेको छ । गायक सिंहले भन्नुभयो, ‘अब टाढा जाने झन्झट हुँदैन्, पैसाको पनि बचत हुन्छ ’ ।
संचारक्षेत्रसंग आवद्ध हुनुभएका नविनकुमार नवलले यस क्षेत्रका कलाकारिता क्षेत्रलाई अगाडी बढाउन तथा नवउदयिमान कलाकारहरुलाई प्रोत्साहित गर्न स्टुडियो निर्माण गरिएको जानकारी दिनुभयो । उहाँले कति रकम लगानी गरिएको भन्दा पनि मैथिली, भोजपुरी लगायतका भाषाहरुको साथै यसक्षेत्रका कलाकारहरुको संर्वद्धन हेतुले स्टुडियो निर्माण गरिएको जानकारी दिनुभयो । प्रजिअ पौडेलले सो स्टुडियोको उदघाटन गर्नुहुदै कलाकारहरुलाई यस प्रति प्रोत्साहित गर्नुपर्ने जानकारी दिनुभएको थियो ।

rape kand Kolhubegaya

NAYA PATRIKA 2067-10-18
'बलात्कृत महिलालाई पुनस्र्थापित गर'
महोत्तरी/ राष्ट्रिय महिला आयोगकी सदस्य मन्जु यादवले सामूहिक बलात्कारमा परेकी महिलालाई पुनस्र्थापित गराउन र दोषीलाई कारबाही गर्न माग गरेकी छिन् ।
महोत्तरीको कोल्हुवावगेया-४ की रीता -नाम परिवर्तन) खातुनलाई गाउँकै दुईजनाले २८ पुसमा सामूहिक बलात्कार गरेका थिए । बलात्कारपछि पीडितलाई न्याय दिलाउनुको साटो गाउँलेको भेलाले उनलाई गाउँनिकाला गरेको थियो । घटनाको अनुगमनमा आएकी आयोग सदस्य यादवले मानवअधिकार संरक्षण केन्द्रको कार्यालयमा पत्रकारसँग पीडितलाई पुनस्र्थापित गराउन र दोषीलाई कारबाही गर्न आफूहरूले पहल गर्ने बताइन् ।
अनुगमनका क्रममा गाउँ पुगेकी आफूसँग स्थानीय बासिन्दाले पीडित महिलालाई कुनै पनि हालतमा गाउँमा बस्न नदिने र उनलाई जबर्जस्ती राख्ने प्रयास गरिए आफूहरू भारत पस्ने अडान लिएको पनि यादवले बताइन् । यादवले भनिन्, 'स्थानीयले कि त ऊ गाउँमा बस्छे, कि हामी बस्छौँ भनिरहेका छन् ।'
घटनालाई नजिकबाट नियालिरहेका मानवअधिकार संरक्षण केन्द्र महोत्तरीका अध्यक्ष मदनकुमार झाले पीडकलाई कारबाही गर्न प्रहरीले १० दिनको समय मागेकाले आफूहरू 'पर्ख र हेर' को स्थितिमा रहेको बताए । तोकिएको समयपछि प्रहरीले कारबाही अघि बढाएन भने आफूहरू पीडितलाई पुनस्र्थापित गर्न लागिपर्ने बताए । 'पीडितलाई पुनस्र्थापना र दोषीलाई कारबाही गर्नुको विकल्प नै छैन,' उनले भने ।