Rape kand

सामुहिक बलात्कारमा परेकी महिला न्यायको खोजीमा
महोत्तरी समाचारदाता
जलेश्वर, माघ ११ गते । सामुहिक बलात्कारमा परेकी महोत्तरी कोल्हुवा वगेया कि एक महिला न्यायको लागि जिल्ला प्रशासनलाई गुहार्न पुगेकी छिन् । गाउँमा न्याय पाउन नसके पछि ति महिला दुई हप्ता पछि न्यायको लागि सदरमुकाम आएकी हुन् ।
महोत्तरी जिल्लाको कोल्हुवावगेया—४ बस्ने कुरेसा खातुनलाई दुई जनाको समुहले पुस २८ गते गाउँ भन्दा परैको एक उखु खेतमा सामुहिक बलात्कार गरेका थिए । फलफुलको व्यवसाय गर्दे आएकी खातुनलाई पुस २८ गते साँझ एकडारा बाजारबाट फर्कदै गर्दा गाउँ भन्दा परैको एक उखु खेतमा लगी स्थानीय फरमुद अन्सारी र मुरतुज दफालीले जवरजस्ती गरेका थिए । खातुनले कुराकानीमा भने, मलाई जवरजस्ती समाति, गमछाले हातमुख बाँधेर दुवैजनाले जवरजस्ती गरे । उनीहरुले मेरो मुँख पनि बाँधेकोले चिच्याउन सकिन् । पछि स्थानीय मोसिम अन्सारी र एकजना अरु स्थानीय आएर देखेपछि उनीहरुलाई समातेर गाउँमा पञ्चायत गराएका थिए । तर पञ्चहरुले पिडकबाट ३० हजार जरिवाना गराई सो पनि पिडितलाई नदिएको र उनलाई घरबाट निकाला गरेको उनीसंगै जिल्ला प्रशासन कार्यालयमा आएकी रामपरी देवीले वताइन । उनले भनिन् ,‘एक त बलात्कारमा परेर अन्यायमा छिन् त्यसमाथि स्थानीयहरुले समेत उनलाई घरबाट निकाला गरे’ । उनको घरमा स्थानीय जिवरैल अन्सारी, तसलीम अन्सारी, कारी अन्सारी, जाकीर अन्सारी, अलाउदिन अन्सारी लगायतका व्यक्तिहरुले ताल्चा लगाई उनलाई घरबाट वेघर गरेको कुरेसाले जिल्ला प्रशासनमा दिएकी निवेदनमा उल्लेख छ ।
बिहेको चार वर्ष पछि नै पति गुमाउनुको पिडा एका तर्फ छ भने अर्को तर्फ सन्तान नभएको पिडा समेत कुरेसालाई छ । त्यसमाथि पनि घरकी सौताले खान बस्न नदिएपछि उनलाई झन पिडा थपिएको छ । सानो पुँजी लगाई फलफुलको व्यवसाय गर्दे आएकी उनलाई पनि त्यहाँका स्थानीयहरुले बस्न नदिएपछि उनी अहिले समाजमा पुर्नस्थापित हुन र न्याय पाउनका लागि प्रशासनलाई गुहारेकी छिन् । उनले दोषी माथि कारवाही गरि शान्ति सुरक्षा दिलाईदिन प्रशासनलाई गुहारेकी हुन् ।
जिल्ला प्रशासन कार्यालय महोत्तरीका प्रशासकिय अधिकृत नागेन्द्रप्रसाद चौधरीले जवरजस्ती गरेको उजुरी परेको र सो सम्बन्धी छानविनको लागी प्रहरीमा लेखिपठाएको जानकारी दिनुभयो ।
उनी अहिले गाउँ भन्दा परको टोलमा अर्केको घरमा शरण लिन वाध्य छिन् । प्रशासनले उनलाई तत्कालै पुर्नस्थापित गर्नुपर्ने माँग मानवअधिकार संरक्षण केन्द्र महोत्तरीले गरेको छ । संरक्षण केन्द्रका अध्यक्ष मदनकुमार झाले कुराकानी गर्नुहुदै घटनालाई तत्काल छानवीन गरी दोषीलाई कारवाही र पिडितलाई न्याय दिलाइदिन सम्पुर्णसंग माँग गर्नुभयो ।